كلمتين من دهب فيهم الخلاصة لتساؤلات ناس كتير اوي و من كتر الأسألة اللي بدون اجابة حياتهم بتقف 👌 ركّزوا معايا 🤚
ساعات تلاقي حد فجأة ظهر في حياتك ويملأ فراغ جواك ووجوده يحسسك بالأمان وبعدين بدون مقدمات، يختفي !!!💔
تلاقي ان الشخص ده بطريقة عجيبة اقتحم حياتك وخلاك تحبه وبين يوم وليلة يبطل يكلمك أو يمشي من غير أسباب !!!
للأسف...حتي لو مكنش فيه وعود صريحة لكن بتلاقي نفسك اتعلقت بفكرة وجوده في دنيتك.
ومع مرور الوقت وتكرار خيبات الأمل، كل شوية حد ييجي وياخد كام شهر ولا كام سنة من عمرك لكنه لما بيمشي، بياخد كمان حتة من روحك..
وبعد ما وجوده طلعّك سابع سما،
غيابه مش بس بينزلك سابع أرض لكنه بينزلك علي جدور رقبتك..👌💔
وتتملي دماغك بمليون سؤال:
طيب كان ليه بقي من أساسه؟
اللي مش مستعد يكمل المشوار، ابتداه ليه من الأول؟
ليه توعد لو مش هتوفي؟
ليه تقرب لما ناوي شوية وتبعد؟
ليه تهتم بالتفاصيل وتعلي التوقعات؟
ليه مش صادق مع نفسك قبل ما تكون أمين مع الطرف الاخر؟
ليه تعلق اللي قدامك بحلم أو بفكرة وانت مش قدها؟
✋لكل حد مر بالظروف دي ،
عايزة أقولك انك ماغلطتش انك رحبت وصدقت وحلمت وآمنت ❤️
احمد ربنا انك بني ادم سوي نفسيًّا لسه عندك مشاعر انسانية طيبة و لسه انسانيتك موجودة متحطمتش 👌
احمد ربنا علي نعمة انك لسه نضيف ❤
وان كان اللي قدامك مش قادر يشوف جمال روحك،
ماتخليش ده يشكك في نفسك أو في قيمتك!!!👌
ارفض / ارفضي انك تعيش مكسور أو حاسس بالرفض لأنه ببساطة ممكن يكون إعادة توجيه من ربنا.
و افتكروا ان انتصاركم الحقيقي علي نفسكم و اللي هيبيّن قوة شخصيتكم هو طريقتكم في المقاومة و الصمود و انكم بدل ما تخلقوا من نفسكم ضحية ...
اجعلوه درس و درجه سلم اتكعبلت فيها عشان ناخد بالنا من اللي جاي👌
اوعي تعيش ضحيه ركّز 👌
عايز كمان أفكرك بالمقولة العظيمة دي :
"هناك من يخلق الأعذار ليبتعد وهناك من يخلق الوهم ليبقي".
اللي عايز يكون موجود بجد، هيعمل كل ما في جهده عشان يكون موجود.. 👌
هيثبت لك بتصرفاته مش هيثبتك بكلام أجوف.. 👌
إياك تزعل علي حد سابك.. 😎
ببساطة لأنه بيفضّي مكان للي جاي...
مش فكرة استبدال، لكن إيمانا بمبدأ
"يرحل من يرحل.. ليأتي من يستحق".
عزيزي وعزيزتي: أرجوكم حافظوا علي قلوب تألمت.. حافظوا علي نفوس التمست فيكم شفا وتعويض..
حافظوا علي مشاعر دابت من جراح قديمة وماتخنقوش فيهم النبض اللي بيحاول يضخ لنفوسهم حياة !!
اتقوا شر إيذاء المشاعر..
أرجوكم رفقاً بالقلوب !!!
اتعاملو مع ربنا قبل ما تتعملو مع العباد👌
اتقو الله في الناس و في نفسكم👌
اعملوا حساب يوم القيامة و وقفتكم قدام ربنا و رد المظالم 👍
صدقوني عشرات الجلسات النفسيّة عندي بسبب المواضيع دي !!!
فوقوا لنفسكم ومش كل عيّل يخبط على بالك تفتحي قلبك !!!
فيه عيال بتخبط وتجري 🤷♂️
دُمتم واضحين مع نفسكم قبل ما تكونوا واضحين مع الغير.❤
دكتور جيهان طلحة
الله يسعد قلوبكم جميعًا ❤
